بالنسبة للناس اللي بتربى دواجن بيتى يعني 20او30او100او اكتر او اقل وطبعا صعب عليه انه يشترى ادوية وهو عايز يطلعهم بدون ادوية لانه مربيهم لاكل بيته
بالنسبة للناس اللي بتربى دواجن بيتى يعني 20او30او100او اكتر او اقل وطبعا صعب عليه انه يشترى ادوية وهو عايز يطلعهم بدون ادوية لانه مربيهم لاكل بيته
بص يا سيدي اولا الكتكوت لازم يكون من مصدر موثوق منه لان فى القرى والاعداد القليلة والناس اللي مش عارفة في الفراخ ممكن يديهم المكتب اللي جايبينين منه الكتاكيت كتاكيت سردة ودي مهما تاكل مش هتكبر او لو كبرت فبيكون ببطئ تانى حاجة لما هتجيب الكتاكيت لازم تكون في مكان بعيد عن البط والفراخ البلدى وغيرها اهم شيء في المكان اللي انت هتربى فيه يعني الناس اللي بتربى ف بلكونة او اوضة على السطوح او حتى للاعداد القليلة جدا اللي بتكون في كراتين اهم حاجة بتكون التهوية الجيدة والفرشة النضيفة لانى سؤ التهوية وبوظان الفرشة هما اهم اسباب الفشل يعني تهتم بالتهوية تهوى تهوية بحيث ان الكتاكيت دايما تكون فايقة وبتتحرك وتنضف الفرشة لان سؤ التهوية والفرشة هيسببوا امراض الكوكسيديا والكولستيرديا وكمان الميكوبلازما وان كان الميكوبلازما بتكون اصلا جاية ف الكتاكيت بس لازم تتغلب عليها بالتهوية الجيدة عملت الحاجات دي متخافشى على فراخك وممكن تربيهم وبدون ادوية لانك عايز وقتها تاكل بيتك حاجة نضيفة
وهتمشى فى الدورة كالاتى
اليوم الاول الاستقبال ماية بسكر
او 5جرام عسل +جرام محلول جفاف
من اليوم التانى وحتى الخامس 4جرام بودرة بصل +4جرام توم+جرام جنزبيل
اما فى العلف فبتجيب بصل وتوم وتقطعهم وتضربهم فى العلف لان البصل والتوم لهم فوائد كبيرة
اولا فوائد البصل
_مضاد للديدان ومنشط نمو ورافع مناعه
ثانيا التوم
مطهر للفم ومضاد حيوى ومضاد الفيروسات ومضاد الالتهابات ومقوى مناعة وهذه العملية يمكن تكرارها في الاسبوع مرتين
_عايز استخدام مضاد سموم
نص لتر خل تفاح ولتر خل ابيض
_طيب عايز استخدم غسيل كلوى
اجيب نص كيلو شعير لكل 500دجاجة مغلى ومبردومصفى فى 2لتر ماء
_وممكن استخدم 4رابطة بقدونس منقوع ومصفى لكل 500كغسيل كلوى ايضا
_طيب الفراخ اخدت برد منى اعمل ايه استخدم الليمون لان الليمون. له فوائد كبيرة منها يزيد من ترشحات غدد اللعاب في الفم ويقتل البكتيريا ويقوى جدار المعدة والامعاء وعامل مساعد لفتح الشهية ويزيل الاسهال
_طيب عايز احط حاجة مدر للبول اعمل ايه
استخدم عصير الجرجير الاخضر فهو
مدر للبول ويساعد على الهضم وملين للبطن وعلاج لتنقية الدم وسرعة دورانه ومفيد في نزلات البرد
طريقة عمل منقوع التوم
نغلى الماء وبعد الغليان نضع فص توم في كوبايه ونضع عليه الماء ونتركه لمدة يوم ونخلط عليه كمية من الليمون ونضعه فى السقايه بحد 4قطرات .
_مكونات خلطة الزبادى لزيادة الوزن وفتح الشهية المكونات معلقة زبادى و2جرام خميرة و5جرام عسل و2سم فاتح شهيةاو اى مهضوم بشرى لكل لتر ماء ويتم ضربهم في الخلاط وينزل بيهم كسقوة 3مرات كل اسبوع اما فى حالة وجود كوكسيديا او كولستيرديا فنستبعد الخميرة
_العسل الاسود يستخدم كغسيل كلوى ومنشط ورافع مناعه وفاتح شهية يعني ممكن استخدمه مرتين او تلاته اسبوعيا
_بالنسبة الحاجات دي ممكن تستخدمها اسبوعيا وتزبط سقوة كل يوم من الحاجات اللي فوق دي
_نسيت اقول ان العرقسوس يستخدم في مقاومة الجمبورو
_وفى حاجة تانية ان استخدام الاعشاب الطبيعة يكون للوقاية اكثر منه للعلاج
وان شاء الله الناس اللي هتربى ربنا يوفقكم ويكرمكم ويرزقكم
تعليقات
إرسال تعليق